{"id":10829,"date":"2016-05-01T19:47:06","date_gmt":"2016-05-01T18:47:06","guid":{"rendered":"http:\/\/shekulliagency.com\/?p=10829"},"modified":"2016-05-01T19:48:17","modified_gmt":"2016-05-01T18:48:17","slug":"familjaret-e-rastit-monstra-ahmeti-dhe-thaci-nuk-u-interesuan-fare-per-neve","status":"publish","type":"post","link":"https:\/\/alb.shekulliagency.com\/?p=10829","title":{"rendered":"Familjar\u00ebt e rastit \u201cMonstra\u201d: Ahmeti dhe Tha\u00e7i nuk u interesuan fare p\u00ebr neve"},"content":{"rendered":"

\"kot-familaret-monstra-796x380\"<\/a>Kat\u00ebr vite pas aksionit policor \u201cMonstra\u201d, familjar\u00ebt e t\u00eb akuzuarve vazhdojn\u00eb t\u2019i ken\u00eb t\u00eb fresk\u00ebta pamjet tmerruese t\u00eb k\u00ebtij aksioni. Familjet e p\u00ebrfshira n\u00eb k\u00ebt\u00eb aksion, rr\u00ebfejn\u00eb p\u00ebr televizionin Shenja, tmerrin q\u00eb kan\u00eb p\u00ebrjetuar sot e kat\u00ebr vite m\u00eb patr\u00eb. Ata thon\u00eb q\u00eb nj\u00eb maji do t\u00eb mbetet dita q\u00eb do ju sjell\u00eb kujtimet m\u00eb t\u00eb frikshme q\u00eb ata kan\u00eb p\u00ebrjetuar ndonj\u00eb her\u00eb. Lot, dhimbje, dhe nj\u00eb vet\u00ebm nj\u00eb fije shprese q\u00eb drejt\u00ebsia do t\u00eb lul\u00ebzoj\u00eb ndonj\u00eb dit\u00eb, jan\u00eb bashk\u00ebudh\u00ebtar\u00ebt e tyre tanim\u00eb kat\u00ebr vite. Ata p\u00ebr t\u00eb disat\u00ebn her\u00eb, thon\u00eb se ky rast \u00ebsht\u00eb i montuar dhe se bijt\u00eb dhe v\u00ebllez\u00ebrit e tyre q\u00eb tanim\u00eb ndodhen n\u00ebp\u00ebr burgje, jan\u00eb persona t\u00eb pafajsh\u00ebm.
\nBabai i Halil Demirit, rr\u00ebfen disa nga skenat q\u00eb ai ka par\u00eb gjat\u00eb m\u00ebngjesit t\u00eb atij nj\u00eb maji,duke v\u00ebn\u00eb theks t\u00eb ve\u00e7ant\u00eb tek trajtimi q\u00eb u \u00ebsht\u00eb b\u00ebr\u00eb atyre, e posaq\u00ebrisht grave t\u00eb k\u00ebsaj familjeje.<\/p>\n

\u201cP\u00ebr asgj\u00eb ma kan\u00eb marr\u00eb djalin, rejen, vajz\u00ebn, ja k\u00ebt\u00eb djal\u00eb, krejt na i kan\u00eb arrestu. Un\u00eb u zgjova t\u00eb marr abdes, kur trokiti dera, thash \u00e7ka u b\u00eb, \u201cotvori vrata\u201d, kur e hapa der\u00ebn automati n\u00eb gjoks, nuk m\u00eb tha \u2018racete gore\u2019, po \u2018ruku u viz\u2019, e kish v\u00ebndu nnj\u00eb \u00e7orap n\u00eb kok\u00eb. Edhe m\u00eb nuk na kan bo mall hi\u00e7, \u00e7ka \u00ebsht\u00eb m\u00eb keq n\u00eb bot\u00eb na e kan b\u00eb, se disha se p\u00ebr \u00e7ka. K\u00ebto partit\u00eb tona, nuk u interesuan p\u00ebr neve hi\u00e7, me ardh bile me th\u00ebn\u00eb, a je gjall\u00eb, k\u00ebto nuk u interesuan aspak\u201d<\/i><\/strong><\/em>, deklaroi, Jonuz Demiri, Babai i Halil Demirit.<\/p>\n

Nd\u00ebrkaq, familjari tjet\u00ebr, rr\u00ebfen gjithashtu frik\u00ebn dhe traumen q\u00eb u \u00ebsht\u00eb shkaktuar atyre gjat\u00eb k\u00ebtij aksioni. Ai tha se ndjehen t\u00eb l\u00ebn\u00eb pas dore nga p\u00ebrfaq\u00ebsuesit shqiptar\u00eb n\u00eb pushtet, duke shtuar se drejt\u00ebsia n\u00eb vend \u00ebsht\u00eb n\u00eb nivelin m\u00eb t\u00eb ul\u00ebt t\u00eb mundsh\u00ebm, pasi sipas tij, funksionar\u00ebt politik t\u00eb cil\u00ebt akuzohen nga Prokuroria special falen nga presidenti i shtetit, nd\u00ebrkaq n\u00ebp\u00ebr burgje flejn\u00eb persona t\u00ebr\u00ebisht t\u00eb pafajsh\u00ebm.<\/p>\n

\u201cNe e p\u00ebrkujtojm\u00eb edhe e kemi p\u00ebrkujtu sikur sot me pas ndodh, ajo dit\u00eb nuk m\u00eb harrohet. Megjith\u00ebse kan\u00eb kaluar kat\u00ebr vite, neve \u00e7do dit\u00eb, po sidomos dita e nj\u00eb majit. Edhe na kan\u00eb sulmu n\u2019shpi sikur kemi qen\u00eb tu flejt, me f\u00ebmij\u00eb, me gra, me krejt, ai p\u00ebrjetim nuk harrohet. F\u00ebmij\u00ebt tan\u00eb, v\u00ebllez\u00ebrit tan\u00eb q\u00eb jan\u00eb n\u00ebp\u00ebr burgje, nuk jan\u00eb ata q\u00eb e kan\u00eb b\u00ebr\u00eb vrasjen. Por edhe nuk po ka neve kush t\u00eb na p\u00ebrkrah, k\u00ebto q\u00eb kan\u00eb b\u00ebr\u00eb krime pushteti, po ka kush i mbron. I kan\u00eb b\u00ebr\u00eb p\u00ebrgjimet, del kryetari i amniston, fajtor, kan\u00eb b\u00ebr\u00eb krime t\u00eb m\u00ebdha q\u00eb nuk e di a ka m\u00eb t\u00eb m\u00ebdha, m\u00eb t\u00eb hatashme, i fal dikush. Neve nuk pat nj\u00eb, si t\u00eb drejt\u00eb, t\u00eb pafajsh\u00ebm q\u00eb jemi, dikush t\u00eb na mbroj\u00eb, p\u00ebrfaq\u00ebsues t\u00eb popullit. Nuk mundet p\u00ebrfaq\u00ebsuesi i popullit q\u00eb \u00ebsht\u00eb shqiptar, nuk mund nj\u00eb fjal ta thot\u00eb, se jan\u00eb t\u00eb pafajsh\u00ebm, a ato po ka kush i fal edhe pasi b\u00ebjn\u00eb krime edhe gjitha sendet e k\u00ebqija\u201d<\/i><\/strong><\/em>, tha, Safet Ajdari, familjar i nj\u00ebrit nga t\u00eb burgosurit.<\/p>\n

Edhe v\u00ebllau i Halil Demirit, flet p\u00ebr traumat q\u00eb i jan\u00eb shkaktuar, ai k\u00ebrkon nga autoritetet q\u00eb t\u00eb zbardhet rasti, dhe t\u00eb d\u00ebshmohet pafaj\u00ebsia e atyre q\u00eb po vuajn\u00eb burgun vet\u00ebm p\u00ebr lojrat e pushtetit.<\/p>\n

\u201cT\u00eb zbardhet drejt\u00ebsia, m\u00eb vjen keq p\u00ebr familjar\u00ebt, u shpreh ngush\u00ebllime. Edhe kan\u00eb dal\u00eb disa fakte, po nuk duam t\u2019i tregojm\u00eb, jan\u00eb faktet krejt, se ne s\u2019kemi \u00e7ka b\u00ebjm\u00eb ne kemi jetu dhe duam t\u00eb jetojm\u00eb me maqedonasit. Faktet jan\u00eb, por drejt\u00ebsi nuk ka\u201d<\/i><\/strong><\/em>, Qezmedin Demiri.<\/p>\n

Ekipi i televizionit Shenja, u nda nga k\u00ebto familje, duke i l\u00ebn\u00eb ata vet\u00ebm me shpres\u00ebn se maji tjet\u00ebr t\u00eb mos i gjej\u00eb t\u00eb ndar\u00eb nga bashk\u00ebfamiljar\u00ebt e tyre. Ata shpresojn\u00eb se i gjith\u00eb ky ankth do t\u00eb marr\u00eb fund s\u00eb shpejti, dhe famijar\u00ebt e tyre t\u00eb kthehen aty ku e kan\u00eb vendin, n\u00eb sht\u00ebpit\u00eb e tyre.<\/p>\n

Ajnur Bafqari \/SHENJA\/<\/strong><\/p>\n