{"id":11208,"date":"2016-05-13T18:57:17","date_gmt":"2016-05-13T17:57:17","guid":{"rendered":"http:\/\/shekulliagency.com\/?p=11208"},"modified":"2016-05-13T18:57:17","modified_gmt":"2016-05-13T17:57:17","slug":"analistet-ne-rruga-e-re-gruevski-shfrytezon-pushtetin-per-te-shpetuar-nga-burgu","status":"publish","type":"post","link":"https:\/\/alb.shekulliagency.com\/?p=11208","title":{"rendered":"Analist\u00ebt n\u00eb \u201cRruga e re\u201d: Gruevski shfryt\u00ebzon pushtetin p\u00ebr t\u00eb shp\u00ebtuar nga burgu"},"content":{"rendered":"

\"rruga-e-re1-777x380\"<\/a>Nikolla Gruevski dhe VMRO-DPMNE-ja po e shfryt\u00ebzojn\u00eb pushtetin p\u00ebr t\u00eb shp\u00ebtuar veten nga burgu. Prandaj po b\u00ebhen gjith\u00eb k\u00ebto skena q\u00eb aludojn\u00eb n\u00eb nj\u00eb kriz\u00eb t\u00eb thell\u00eb. Por, kriza mund t\u00eb kalohet vet\u00ebm me p\u00ebrgjegj\u00ebsin\u00eb e kriminel\u00ebve para organeve t\u00eb drejt\u00ebsis\u00eb, dhe ardhjen e fytyrave t\u00eb reja t\u00eb pa inkriminuara. Ky \u00ebsht\u00eb vler\u00ebsimi i analist\u00ebve Nano Ruzhin dhe Ismet Ramadani, mysafir\u00eb n\u00eb emisionin Rruga e Re. Sipas tyre, jeta politike e kreut t\u00eb VMRO-DPMNE-s\u00eb tashm\u00eb ka mbaruar prandaj duhet pastruar terreni p\u00ebr nj\u00eb frym\u00eb t\u00eb re politike.<\/p>\n

\u201cNuk mund t\u00eb themi se kriza po thellohet, kriza kalon n\u00ebp\u00ebr nj\u00eb episod\u00eb, q\u00eb e ka nd\u00ebrtuar dikush nga pushteti dhe i cili mendon se n\u00eb at\u00eb m\u00ebnyr\u00eb do t\u00eb kishte mundur t\u00eb shp\u00ebtoj\u00eb. Atyre do t\u00eb ju konvenonte q\u00eb t\u00eb ket\u00eb ndonj\u00eb kaos, apo p\u00ebrplasje vet\u00ebm p\u00ebr ta shp\u00ebtuar kok\u00ebn e liderit. Po k\u00ebrkohet rrug\u00ebdalje sepse jan\u00eb t\u00eb vet\u00ebdish\u00ebm se jan\u00eb n\u00ebn presion. Dhe jan\u00eb t\u00eb vet\u00ebdish\u00ebm p\u00ebr veprat q\u00eb i kan\u00eb b\u00ebr\u00eb. Ata jan\u00eb duke luftuar p\u00ebr mbijetes\u00ebn e tyre personale\u201d, ka th\u00ebn\u00eb analisti Nano Ruzhin n\u00eb \u201cRruga e re\u201d.<\/p>\n

Analisti Ismet Ramadani kritikon edhe partit\u00eb shqiptare n\u00eb parlament BDI dhe PDSH t\u00eb cilat sipas tij, shum\u00eb von\u00eb kan\u00eb kuptuar se nuk duhet t\u00eb p\u00ebrkrahin verb\u00ebrisht politikat e Gruevskit. U desht\u00eb presioni nd\u00ebrkomb\u00ebtar\u00ebve q\u00eb ata ta l\u00ebshojn\u00eb Gruevskin t\u00eb shkoj\u00eb vet\u00eb n\u00eb zgjedhje p\u00ebr t\u00eb cilat shumica pajtohen se nuk ka kushte elementare.<\/p>\n

\u201cTani erdh\u00ebn n\u00eb situat\u00eb kur duheshte patjet\u00ebr t\u00eb ndalen dhe ta l\u00ebn\u00eb Gruevskin t\u00eb ec\u00eb vet\u00eb. Dhe kjo nuk mund t\u00eb merret m\u00eb si pozitive edhe ky akt i fundit q\u00eb e b\u00ebjn\u00eb BDI dhe PDSH, pasi q\u00eb \u00ebsht\u00eb tep\u00ebr von\u00eb. Ata e pan\u00eb m\u00eb humner\u00ebn. Sikur kur i l\u00ebshon n\u00eb uj\u00eb dhe vija ajo uj\u00ebvarra kur secili duhet ta shp\u00ebtoj\u00eb vetveten, ata u kap\u00ebn diku dhe shp\u00ebtuan, nd\u00ebrsa Gruevski vazhdon\u201d, ka deklaruar analisti politik Ismet Ramadani.<\/p>\n

Ruzhin e porositi Ali Ahmetin q\u00eb t\u00eb mos ia mbroj\u00eb shpin\u00ebn Gruevskit, duke p\u00ebrsh\u00ebndetur vendimin p\u00ebr t\u00eb mos shkuar n\u00eb zgjedhje, pavar\u00ebsisht se kush e ka bindur p\u00ebr nj\u00eb gj\u00eb t\u00eb till\u00eb. Nd\u00ebrsa Ramadani vler\u00ebson se faktori nd\u00ebrkomb\u00ebtar m\u00eb nuk do t\u00eb lejoj\u00eb ardhjen n\u00eb pushtet t\u00eb garnitur\u00ebs aktuale. Zgjedhjet do t\u00eb shtyhen derisa t\u00eb krijohen kushte p\u00ebr t\u00eb fituar opozita shqiptare dhe maqedonase.<\/p>\n

Ferikan Iljazi \/SHENJA\/<\/p>\n