{"id":11770,"date":"2016-05-28T19:06:40","date_gmt":"2016-05-28T18:06:40","guid":{"rendered":"http:\/\/shekulliagency.com\/?p=11770"},"modified":"2016-05-28T19:06:40","modified_gmt":"2016-05-28T18:06:40","slug":"rast-i-rende-lokja-nga-dizhoni-i-shkupit-rrezikon-te-mbetet-ne-mes-te-rrugeve","status":"publish","type":"post","link":"https:\/\/alb.shekulliagency.com\/?p=11770","title":{"rendered":"Rast i r\u00ebnd\u00eb: Lokja nga Dizhoni i Shkupit rrezikon t\u00eb mbetet n\u00eb mes t\u00eb rrug\u00ebve"},"content":{"rendered":"

\"kot-53343-\"<\/a>Mjerim, varf\u00ebri. Sikur t\u00eb mos mjaftonte kjo edhe probleme sh\u00ebndet\u00ebsore t\u00eb nj\u00ebpasnj\u00ebshme. K\u00ebto jan\u00eb hallet e Ajshe Ametit, nga lagjja Dizhon e Shkupit, t\u00eb cil\u00ebn e kan\u00eb mbuluar hallet e jet\u00ebs. Dhoma e vetme me qira, n\u00eb t\u00eb cil\u00ebn q\u00ebndron e vet\u00ebm me t\u00eb birin, \u00ebsht\u00eb e zymt\u00eb dhe nuk dep\u00ebrtojn\u00eb dot rrezet e diellit. Ata mbijetojn\u00eb me shum\u00eb v\u00ebshtir\u00ebsi. Dit\u00ebt jan\u00eb t\u00eb pafund.<\/p>\n

\u201cVet\u00ebm 1000 denar\u00eb marr\u00eb ndihm\u00eb sociale, asgj\u00eb tjet\u00ebr. \u00c7far\u00eb t\u00eb b\u00ebj\u00eb tjet\u00ebr. N\u00ebse ka mund\u00ebsi me m\u00eb ndihmu dikush\u201d, thot\u00eb Ajshe Ameti.<\/p>\n

Madje, edhe dhom\u00ebn ku po q\u00ebndrojn\u00eb momentalisht, s\u00eb shpejti duhet ta lirojn\u00eb. Ato i tmerron fakti se s\u00eb shpejti do t\u00eb mbesin n\u00eb rrug\u00eb pa streh\u00eb mbi kok\u00eb.\u00a0 Gjith\u00e7ka q\u00eb k\u00ebrkon ajo \u00ebsht\u00eb pak m\u00ebshir\u00eb p\u00ebr gjendjen e saj, nj\u00eb sht\u00ebpi t\u00eb vog\u00ebl sa p\u00ebr t\u00eb v\u00ebn\u00eb kulm mbi kok\u00eb.<\/p>\n

\u201cNuk po k\u00ebrkoj as p\u00ebr t\u00eb ngr\u00ebn\u00eb as p\u00ebr t\u00eb pir\u00eb, por vet\u00ebm p\u00ebr nj\u00eb sht\u00ebpi se tani jam me qira. Pes\u00eb muaj q\u00eb jemi k\u00ebtu. E kam vet\u00ebm k\u00ebt\u00eb dhom\u00eb. Vet\u00ebm fqinj\u00ebt q\u00eb na ndihmojn\u00eb. Nj\u00ebri paguan qiran\u00eb, tjetri ushqimin, ato. P\u00ebr momentin kam nevoj\u00eb vet\u00ebm p\u00ebr nja dy dhoma n\u00ebse ka mund\u00ebsi me na ndihmu dikush. Edhe nj\u00ebzet dit\u00eb kemi me nejt k\u00ebtu pastaj do t\u00eb dal\u201d, thot\u00eb Ameti.<\/p>\n

Tryeza e tyre shumic\u00ebn e koh\u00ebs \u00ebsht\u00eb e zbraz\u00ebt. E moshuara, Ajshe Ameti shqet\u00ebsohet se si do ta mbush at\u00eb gjat\u00eb periudh\u00ebs s\u00eb muajit t\u00eb shenjt\u00eb t\u00eb Ramazanit.<\/p>\n

\u201cTani vjen Ramazani. A t\u00eb k\u00ebrkojm\u00eb sht\u00ebpi apo Ramazanin ta mbajm\u00eb, \u00e7far\u00eb t\u00eb b\u00ebjm\u00eb\u201d, qan hallin e saj, Ajshe Ameti.<\/p>\n

Shpresat e saj se nj\u00eb dit\u00eb do mbarojn\u00eb hallet e saj t\u00eb mbijetes\u00ebs dhe varf\u00ebris\u00eb s\u00eb skajshme t\u2019i vij\u00eb fundi, pothuajse jan\u00eb shuar. Megjithat\u00eb, ajo pak shpres\u00eb q\u00eb i ka mbetur e nxit at\u00eb q\u00eb me gjysm\u00eb z\u00ebri, t\u00eb k\u00ebrkoj\u00eb ndihm\u00eb nga njer\u00ebzit human. K\u00ebrkon solidarizim nga njer\u00ebzit q\u00eb kan\u00eb mund\u00ebsi q\u00eb t\u00eb mos e l\u00ebn\u00eb at\u00eb pastreh\u00eb mbi kok\u00eb.<\/p>\n

Teuta Bu\u00e7i \/SHENJA\/<\/strong><\/p>\n