{"id":13359,"date":"2016-07-24T18:10:36","date_gmt":"2016-07-24T17:10:36","guid":{"rendered":"http:\/\/shekulliagency.com\/?p=13359"},"modified":"2016-07-24T18:10:36","modified_gmt":"2016-07-24T17:10:36","slug":"besa-ali-ahmeti-vazhdon-te-tallet-me-kumanovaret","status":"publish","type":"post","link":"https:\/\/alb.shekulliagency.com\/?p=13359","title":{"rendered":"BESA: Ali Ahmeti vazhdon t\u00eb tallet me kumanovar\u00ebt"},"content":{"rendered":"

\"besa-ali--6544\"<\/a>L\u00ebvizja Besa e ka cil\u00ebsuar lirimin e vras\u00ebsit t\u00eb Komandant Shqiponj\u00ebs si vazhdim\u00ebsi e sjelljes tall\u00ebse dhe provokuese t\u00eb BDI-s\u00eb dhe kreut t\u00eb saj, Ali Ahmeti ndaj kumanovar\u00ebve. Sipas k\u00ebsaj partie opozitare, Ali Ahmeti bashk\u00eb me partnerin e tij t\u00eb koalicionit Nikolla Gruevskin, q\u00eb moti kan\u00eb filluar t\u00eb injorojn\u00eb dhe tallin shqiptar\u00ebt e Kumanov\u00ebs. Ata thon\u00eb se Ali Ahmeti q\u00eb nga vrasja e Komandant Shqiponj\u00ebs asnj\u00ebher\u00eb nuk ka qen\u00eb t\u2019i vizitoj\u00eb m\u00eb banor\u00ebt e Lagjes s\u00eb Trimave, por as qytetin e Kumanov\u00ebs.<\/p>\n

\u201cSikur t\u00eb mos ishte boll kjo, provokimi i fundit i Ali Ahmetit dhe i pushtetit t\u00eb tij erdhi k\u00ebto dit\u00eb me lirimin e vras\u00ebsit t\u00eb komandant Shqiponj\u00ebs, q\u00eb ndodhi pik\u00ebrisht n\u00eb sh\u00ebnimin e p\u00ebrvjetorit t\u00eb vrasjes s\u00eb tij. E quajm\u00eb provokim t\u00eb r\u00ebnd\u00eb p\u00ebr shqiptar\u00ebt e Kumanov\u00ebs lirimin e vras\u00ebsit t\u00eb tij (ndryshe, mik i af\u00ebrt i A. Ahmetit), \u00e7far\u00ebdo q\u00eb t\u00eb ken\u00eb arsyet p\u00ebr k\u00ebt\u00eb, sepse Komandant Shqiponja ka qen\u00eb dhe do mbetet emblem\u00eb e U\u00c7K-s\u00eb p\u00ebr Kumanov\u00ebn dhe jo Ali Ahmeti. Ishte Komandant Shqiponja ai i cili gjithmon\u00eb gjendej n\u00eb mesin e shqiptar\u00ebve t\u00eb k\u00ebtush\u00ebm dhe jo Ali Ahmeti, i cili si duket nuk u ngop kurr\u00eb me d\u00ebmin q\u00eb ua b\u00ebri kumanovar\u00ebve, andaj u kujdes q\u00eb k\u00ebt\u00eb ta thelloj\u00eb edhe me ngjarjen e kobshme t\u00eb 9-10 majit t\u00eb vitit 2015\u201d, thuhet n\u00eb reagimin e L\u00ebvizjes BESA.<\/p>\n

\u201cAi akoma nuk dha asnj\u00eb shpjegim dhe p\u00ebrgjigje lidhur me rrahjen dhe thyerjen e k\u00ebmb\u00ebs s\u00eb Sevdail Miftarit (nga grupi i akuzuar n\u00eb rastin \u201cLagjja e Trimave\u201d) nga ana e nj\u00ebsitit special policor menj\u00ebher\u00eb pas p\u00ebrfundimit t\u00eb seanc\u00ebs gjyq\u00ebsore, ku Sevdaili kishte reaguar pasi e kishte marr\u00eb vesh t\u00eb v\u00ebrtet\u00ebn nga ana e d\u00ebshmitarit t\u00eb mbrojtur p\u00ebr kapjen e Mirsad Ndrecajt\u201d, q\u00ebndron m\u00eb tej n\u00eb reagimin e BES\u00cbS.<\/p>\n

Duke u bazuar n\u00eb k\u00ebto fakte, L\u00ebvizja Besa thot\u00eb se do t\u00eb ngrej\u00eb z\u00ebrin e arsyes dhe t\u00ebrheqin v\u00ebrejtjen se partia shqiptare n\u00eb pushtet po e mbush kup\u00ebn me d\u00ebmet q\u00eb ua shkakton shqiptar\u00ebve, ve\u00e7mas atyre t\u00eb Kumanov\u00ebs. Ata gjithashtu pyesin se \u201cderi ku e ka nd\u00ebr mend kjo parti ta denigroj\u00eb dhe posht\u00ebroj\u00eb dinjitetin e shqiptarit t\u00eb Maqedonis\u00eb?\u201d.<\/p>\n

\/SHENJA\/<\/p>\n