{"id":13646,"date":"2016-08-06T10:06:14","date_gmt":"2016-08-06T09:06:14","guid":{"rendered":"http:\/\/shekulliagency.com\/?p=13646"},"modified":"2016-08-06T10:06:14","modified_gmt":"2016-08-06T09:06:14","slug":"maqedoni-lista-e-te-dyshimteve-rrezikon-te-fshije-3-deputete-dhe-kercoven","status":"publish","type":"post","link":"https:\/\/alb.shekulliagency.com\/?p=13646","title":{"rendered":"MAQEDONI, Lista e \u201ct\u00eb dyshimt\u00ebve\u201d rrezikon \u201ct\u00eb fshij\u00eb\u201d 3 deputet\u00eb dhe K\u00ebr\u00e7ov\u00ebn"},"content":{"rendered":"

\"vot-maq-4332\"<\/a>Me fshirjen e mbi 30 mij\u00eb votuesve shqiptar\u00eb, nga lista zgjedhore, proces i cili \u00ebsht\u00eb n\u00eb vijim e sip\u00ebr nga KSHZ, shqiptar\u00ebt rrezikojn\u00eb t\u00eb humbin edhe dy deri n\u00eb tre deputet\u00eb n\u00ebp\u00ebr nj\u00ebsi zgjedhore por edhe komun\u00ebn e K\u00ebr\u00e7ov\u00ebs. K\u00ebshtu deklarojn\u00eb, analist\u00ebt Ismet Ramadani dhe Mersel Bilalli. Ata madje n\u00ebnvizojn\u00eb se kjo marr\u00ebveshje e kat\u00ebr partive n\u00ebnshkruese n\u00eb P\u00ebrzhino, shkon n\u00eb d\u00ebm t\u00eb shqiptar\u00ebve n\u00eb proceset zgjedhore, e sidomos n\u00eb zgjedhjet ku votat num\u00ebrohen sipas formul\u00ebs s\u00eb Dontit.<\/p>\n

\u201cZakonisht t\u00eb fituarit e deputetit t\u00eb fundit, e kam fjal\u00ebn gjithnj\u00eb p\u00ebr shqiptar\u00eb, vendosin ndonj\u00ebher\u00eb edhe nj\u00ebmij\u00eb vota dymij\u00eb vota dhe kur i marrim nj\u00ebsit\u00eb zgjedhore, at\u00ebher\u00eb ekziston mund\u00ebsi reale t\u00eb humbim dy deri n\u00eb tre deputet\u00eb. Ajo q\u00eb \u00ebsht\u00eb me r\u00ebnd\u00ebsi votat t\u00eb cilat digjen sipas formul\u00ebs s\u00eb Dontit shkojn\u00eb n\u00eb llogari t\u00eb dy partive m\u00eb t\u00eb m\u00ebdha maqedonase, VMRO-DPMNE-s\u00eb dhe LSDM-s\u00eb, dmth, at\u00eb q\u00eb e humbim ne e fitojn\u00eb k\u00ebto dy parti. Partit\u00eb politike kur b\u00ebjn\u00eb kompromise duhet ti analizojn\u00eb mir\u00eb pun\u00ebt\u201d, tha analisti politik, Ismet Ramadani.<\/p>\n

\u201cN\u00eb qoft\u00eb se pra, supozojm\u00eb 30 mij\u00eb nga 39 mij\u00eb, nuk paraqiten t\u00eb d\u00ebshmojn\u00eb ekzistenc\u00ebn e tyre, praktikisht t\u00eb themi, sipas sistemit i cili favorizon partit\u00eb m\u00eb t\u00eb m\u00ebdha, realisht prej 4,5 ndonj\u00ebher\u00eb edhe 6 deputet var\u00ebsisht nga sistemi si\u00e7 vjen sepse aty nuk kemi ndonj\u00eb proporcion strikt\u201d, tha profesor universitar, Mersel Bilalli.<\/p>\n

Sipas analist\u00ebve Ramadani dhe Bilalli, me fshirjen e votuesve t\u00eb parashikuar n\u00eb K\u00ebr\u00e7ove, shqiptar\u00ebt rrezikojn\u00eb s\u00eb tep\u00ebrmi humbjen e Komun\u00ebs s\u00eb K\u00ebr\u00e7ov\u00ebs, duke pasur parasysh diferenc\u00ebn e vog\u00ebl mes votuesve shqiptar dhe atyre maqedonas, por edhe m\u00ebnyr\u00ebn se si u organizuan zgjedhjet e vitit 2013.<\/p>\n

\u201cMe shlyerjen e k\u00ebtyre votuesve, radh\u00ebn tjet\u00ebr edhe mobilizimi i votuesve shqiptar\u00eb n\u00eb diaspor\u00eb do t\u00eb jet\u00eb pak m\u00eb i v\u00ebshtir p\u00ebr shkak t\u00eb kompromiseve n\u00eb kurriz t\u00eb shqiptar\u00ebve q\u00eb i b\u00ebjn\u00eb p\u00ebrfaq\u00ebsuesit e partive politike, por edhe p\u00ebr shkak se shanset shum\u00eb zvog\u00eblohen n\u00eb K\u00ebr\u00e7ov\u00eb p\u00ebr ta fituar her\u00ebn tjet\u00ebr kryetarin e komun\u00ebs shqiptar\u201d, theksoi Ramadani.<\/p>\n

\u201cJo vet\u00ebm n\u00eb aspekt komercial por edhe n\u00eb aspekt juridik nuk mund\u00eb gjat\u00eb koh\u00eb t\u00eb injorohen persona t\u00eb cil\u00ebt jan\u00eb efektivisht t\u00eb lidhur me familjet, me shtetin. Pra nuk mund ta konsiderojm\u00eb vet\u00ebm si kartel\u00eb bankare ku do t\u00eb nxjerrim para dhe ajo nuk ka kurrfar\u00eb vlere. Ky injorim mund\u00eb t\u00eb ket\u00eb pasoja\u201d, theksoi Bilalli.<\/p>\n

Sipas marr\u00ebveshjes s\u00eb arritur mes VMRO-DPMNE-s\u00eb, LSDM-s\u00eb BDI-s\u00eb dhe PDSH-s\u00eb KSHZ ka kontestuar 39 502 votues n\u00eb list\u00ebn Zgjedhore t\u00eb cil\u00ebt jan\u00eb m\u00ebrgimtar\u00eb, por prej tyre mbi 30 mij\u00eb jan\u00eb shqiptar\u00eb. Konfirmimi i m\u00ebrgimtar\u00ebve p\u00ebr t\u00eb qen\u00eb pjese e list\u00ebs zgjedhore deri m\u00eb sot, sipas raporteve t\u00eb KSHZ-s\u00eb \u00ebsht\u00eb tep\u00ebr i ul\u00ebt.<\/p>\n

Mefail Ismaili \/SHENJA\/<\/strong><\/p>\n