{"id":1511,"date":"2015-08-11T18:51:23","date_gmt":"2015-08-11T17:51:23","guid":{"rendered":"http:\/\/shekulliagency.com\/?p=1511"},"modified":"2015-08-11T18:51:23","modified_gmt":"2015-08-11T17:51:23","slug":"xhamite-e-tetoves-keqperdoren-per-te-ushtruar-sufizem-video","status":"publish","type":"post","link":"https:\/\/alb.shekulliagency.com\/?p=1511","title":{"rendered":"Xhamit\u00eb e Tetov\u00ebs keqp\u00ebrdoren p\u00ebr t\u00eb ushtruar sufiz\u00ebm (VIDEO)"},"content":{"rendered":"

\"sufizem-tetove\"<\/a><\/p>\n

Koh\u00ebve t\u00eb fundit qarkullon nj\u00eb video n\u00eb rrjetet sociale. B\u00ebhet fjal\u00eb p\u00ebr xhamin\u00eb e Sahatit n\u00eb Tetov\u00eb, ku shihet hoxha Metin Izeti bashk\u00eb me xhematin duke e adhuruar Zotin. Duke pasur parasysh reagimin e opinionit n\u00eb rrjetet sociale dhe dilemave q\u00eb jan\u00eb shfaqur se a b\u00ebhet fjal\u00eb p\u00ebr ndonj\u00eb mevlud, rit sufist apo di\u00e7ka tjet\u00ebr, Telegrafi ka kontaktuar Myftynin e Tetov\u00ebs, Metin Izetin dhe Bekir Halimin p\u00ebr t\u00eb qart\u00ebsuar se p\u00ebr \u00e7far\u00eb b\u00ebhet fjal\u00eb. Edhe pse kemi k\u00ebrkuar p\u00ebrgjigje nga Bashk\u00ebsia Fetare Islame p\u00ebr k\u00ebt\u00eb rast, ende nuk kemi marr\u00eb nj\u00eb p\u00ebrgjigje zyrtare q\u00eb do t\u00eb qart\u00ebsonte sadopak situat\u00ebn e krijuar.<\/p>\n

Qani Nesimi nga Myftinia e Tetov\u00ebs thot\u00eb se ky ritual \u00ebsht\u00eb p\u00ebrs\u00ebritur edhe vitet e kaluara dhe nuk ka di\u00e7ka t\u00eb keqe. \u2018\u2019Mevludi p\u00ebr Nat\u00ebn e Kadrit q\u00eb \u00ebsht\u00eb mbajtur n\u00eb Xhamin\u00eb e Sahatit, \u00ebsht\u00eb mevlud i zakonsh\u00ebm q\u00eb mbahet n\u00ebp\u00ebr xhami t\u00eb ndryshme t\u00eb Tetov\u00ebs. Kjo nuk \u00ebsht\u00eb mbajtur vet\u00ebm k\u00ebt\u00eb vit, \u00ebsht\u00eb mbajtur edhe vitet tjera.\u2019\u2019<\/div>\n

Nesimi vazhdon duke u arsyetuar dhe duke shprehur habi pse kjo \u00ebsht\u00eb b\u00ebr\u00eb tem\u00eb diskutimi. \u2018\u2019Mua m\u00eb vjen keq q\u00eb njer\u00ebzit e kan\u00eb keqp\u00ebrdor\u00eb nj\u00eb ceremoni fetare p\u00ebr t\u00eb sulmuar dhe akuzuar. N\u00eb fakt xhamia ka qen\u00eb plot me xhemat. Un\u00eb mendoj\u00eb se \u00ebsht\u00eb keqp\u00ebrdorim i fjalorit q\u00eb ka t\u00eb b\u00ebj\u00eb me teqen, nd\u00ebrsa fotografia \u00ebsht\u00eb n\u00eb xhami dhe mendoj\u00eb se njer\u00ebzit nuk duhet t\u2019i p\u00ebrzijn\u00eb k\u00ebto pun\u00eb\u2019\u2019.<\/p>\n

Ai m\u00eb tej shton \u2018\u2019n\u00ebse ka l\u00ebvizje t\u00eb ndonj\u00eb individi brenda n\u00eb xhami q\u00eb e ka b\u00ebr\u00eb spontanisht, nuk do t\u00eb thot\u00eb q\u00eb ne i kemi dh\u00ebn\u00eb leje p\u00ebr nj\u00eb gj\u00eb t\u00eb till\u00eb, por n\u00eb form\u00eb t\u00eb organizuar nuk ka nj\u00eb gj\u00eb e cila bie n\u00eb kund\u00ebrshtim me xhamin\u00eb. Prej nesh nuk \u00ebsht\u00eb k\u00ebrkuar leje q\u00eb t\u00eb b\u00ebhet ndonj\u00eb veprim q\u00eb nuk i takon xhamis\u00eb.\u2019\u2019<\/p>\n

N\u00eb pytejen e Telegrafit se a kan\u00eb lidhje k\u00ebto veprime me sufizmin, Nesimi shprehet \u2018\u2019un\u00eb nuk shoh se k\u00ebtu ka ndonj\u00eb problem. Sufizmi \u00ebsht\u00eb di\u00e7ka tjet\u00ebr dhe praktika ose ideja q\u00eb duhet t\u00eb arrihet \u00ebsht\u00eb di\u00e7ka tjet\u00ebr. Aty n\u00eb xhami ka mund\u00ebsi ndonj\u00eb njeri i cili b\u00ebn ndonj\u00eb veprim q\u00eb dikujt i duket se ka t\u00eb b\u00ebj\u00eb me sufiz\u00ebm. Un\u00eb mendoj\u00eb se t\u00eb gjejsh nj\u00eb sufist \u00ebsht\u00eb e v\u00ebshtir\u00eb.\u2019\u2019<\/p>\n

P\u00ebr t\u00eb qen\u00eb sa m\u00eb korrekt dhe objektiv, Telegrafi ka kontaktuar edhe hoxh\u00ebn nga Shkupi Bekir Halimi i cili thot\u00eb \u2018\u2019kjo q\u00eb ka ndodhur n\u00eb Xhamin\u00eb e Sahatit \u00ebsht\u00eb nj\u00eb rit sufist i tarikateve q\u00eb quhet zik\u00ebr (ziq\u00ebr). Kurr\u00eb s\u2019ka qen\u00eb e njohur n\u00eb praktik\u00ebn tradicionale t\u00eb musliman\u00ebve tan\u00eb q\u00eb ky rit t\u00eb b\u00ebhet n\u00eb xhami. Ky rit zakonisht \u00ebsht\u00eb b\u00ebr\u00eb n\u00eb teqet e ve\u00e7anta t\u00eb nd\u00ebrtuara p\u00ebr k\u00ebt\u00eb rit, andaj edhe ishte nj\u00eb risi befasuese kjo q\u00eb ndodhi n\u00eb k\u00ebt\u00eb xhami. \u00cbsht\u00eb b\u00ebr\u00eb p\u00ebr Nat\u00ebn e Kadrit p\u00ebr t\u00eb mbledhur m\u00eb shum\u00eb njer\u00ebz dhe p\u00ebr t\u00eb shfryt\u00ebzuar pesh\u00ebn q\u00eb ka kjo nat\u00eb p\u00ebr t\u00eb promovuar k\u00ebt\u00eb frym\u00eb sufiste. Si duket keqp\u00ebrdoren lidhjet dhe situatat p\u00ebr t\u00eb promovuar k\u00ebt\u00eb frym\u00eb sufiste. Ata, n\u00ebse d\u00ebshirojn\u00eb t\u00eb vazhdojn\u00eb me k\u00ebto rite, le t\u00eb nd\u00ebrtojn\u00eb teqet e tyre dhe \u00e7ka t\u00eb dojn\u00eb le t\u00eb b\u00ebjn\u00eb aty, mir\u00ebpo jo t\u00eb keqp\u00ebrdoren xhamit\u00eb.\u2019\u2019<\/p>\n

Kurse nga ana tjet\u00ebr, Metin Izeti u shpreh shkurt p\u00ebr rastin n\u00eb fjal\u00eb se nuk shkel asnj\u00eb rregull fetar islam dhe nuk \u00ebsht\u00eb e v\u00ebrtet\u00eb ajo \u00e7ka flasin n\u00eb opinion, se gjoja \u00ebsht\u00eb sufiz\u00ebm.<\/p>\n