{"id":16246,"date":"2016-11-24T18:40:48","date_gmt":"2016-11-24T17:40:48","guid":{"rendered":"http:\/\/shekulliagency.com\/?p=16246"},"modified":"2016-11-24T18:40:48","modified_gmt":"2016-11-24T17:40:48","slug":"maqedoni-gashi-tashme-mund-ta-fitojme-bdi-ne","status":"publish","type":"post","link":"https:\/\/alb.shekulliagency.com\/?p=16246","title":{"rendered":"MAQEDONI – Gashi: Tashm\u00eb mund ta fitojm\u00eb BDI-n\u00eb"},"content":{"rendered":"

\"gashi-7564\"<\/a>I ftuar n\u00eb Emisionin \u201cArena\u201d, n\u00eb Televizionin Shenja, mbr\u00ebm\u00eb ishte sekretari i p\u00ebrgjithsh\u00ebm i L\u00ebvizjes BESA, Afrim Gashi, nj\u00ebher\u00ebsh bart\u00ebs i list\u00ebt p\u00ebr deputet i koalicionit \u201cRilindje me Bes\u00eb\u201d n\u00eb nj\u00ebsin\u00eb zgjedhore num\u00ebr 2. Duke folur mbi konvent\u00ebn e 22 n\u00ebntorit t\u00eb k\u00ebtij koalicioni, Gashi tha se nuk dyshonin q\u00eb mund ta mbushin sall\u00ebn, pasi sipas tij, duke u bazuar n\u00eb protestat e organizuara m\u00eb her\u00ebt, e dinin se ky vend do t\u00eb jet\u00eb i vog\u00ebl p\u00ebr t\u2019i nx\u00ebn\u00eb t\u00eb gjith\u00eb simpatizuesit dhe p\u00ebrkrah\u00ebsit. Gashi tha se deri para mbajtjes s\u00eb konvent\u00ebs promovuese, ka pasur bindjen se do t\u00eb jen\u00eb shum\u00eb af\u00ebr me BDI-n\u00eb, por si\u00e7 tha ai, tanim\u00eb \u00ebsht\u00eb i bindur q\u00eb do t\u00eb fitojn\u00eb.<\/p>\n

\u201cShum\u00ebkush prej neve ndihej i mrekulluar. Ajo q\u00eb e ndjenim n\u00eb frym\u00ebn e k\u00ebsaj, ishte se shqiptar\u00ebt duan ndryshim. Kishte nevoj\u00eb q\u00eb t\u00eb artikulohet kjo n\u00ebp\u00ebrmjet nj\u00eb subjekti. T\u00eb gjith\u00eb shqiptar\u00ebt tanim\u00eb jan\u00eb t\u00eb sigurt se p\u00ebrmes koalicionit ton\u00eb, BDI mund t\u00eb largohet nga skena\u201d, deklaroi Afrim Gashi, sekretar I p\u00ebrgjithsh\u00ebm I L\u00ebvizjes BESA.<\/p>\n

Ai theksoi se vet\u00eb BDI m\u00eb her\u00ebt \u00ebsht\u00eb deklaruar se do t\u00eb fitonte, vet\u00ebm pse ishin m\u00eb pak t\u00eb k\u00ebqinj, pasi sipas Gashit, deri m\u00eb tani shqiptar\u00ebt duhet t\u00eb zgjidhnin mes dy t\u00eb k\u00ebqijave. Gashi gjithashtu tha se nuk vijn\u00eb n\u00eb pushtet q\u00eb t\u00eb hakmerren ndaj askujt, por vijn\u00eb me vullnet t\u00eb mir\u00eb p\u00ebr t\u00eb ndryshuar gjendjen.<\/p>\n

\u201cNj\u00eb plak apo nj\u00eb plak\u00eb, ta sjell\u00ebsh nga Manastiri, n\u00eb mosh\u00ebn 70 vje\u00e7are, atyre njer\u00ebzve u duhet vullnet shum\u00eb i madh q\u00eb t\u00eb vijn\u00eb. Ne nuk kemi pasur mund\u00ebsi t\u2019i motivojm\u00eb me asgj\u00ebsend ata njer\u00ebz, p\u00ebrve\u00e7 se ju kemi ofruar sinqeritetin ton\u00eb dhe gatishm\u00ebrin\u00eb q\u00eb t\u00eb sakrifikojm\u00eb p\u00ebr t\u00eb mir\u00ebn e tyre. Un n\u00eb syt\u00eb e njer\u00ebzve shihja nj\u00eb vullnet dhe besim se kjo \u00ebsht\u00eb rruga m\u00eb e mir\u00eb\u201d , ka deklaruar Gashi.<\/p>\n

Duke folur p\u00ebr kushtet e fushat\u00ebs parazgjedhore, Gashi tha q\u00eb jan\u00eb krijuar kushte t\u00eb padrejta institucionale n\u00eb favor t\u00eb partive n\u00eb pushtet, mir\u00ebpo theksoi se t\u00eb gjitha reklamat dhe bilbordet e BDI-s\u00eb, nuk vlejn\u00eb as sa nj\u00eb buz\u00ebqeshje gjat\u00eb konvent\u00ebs s\u00eb koalicionit \u201cRilindje me Bes\u00eb\u201d.<\/p>\n

Ajnur Bafqari \/SHENJA\/<\/p>\n