{"id":4692,"date":"2015-11-08T11:41:11","date_gmt":"2015-11-08T10:41:11","guid":{"rendered":"http:\/\/shekulliagency.com\/?p=4692"},"modified":"2015-11-08T11:42:37","modified_gmt":"2015-11-08T10:42:37","slug":"video-analize-patriotizmi-i-rrejshem-i-ali-ahmetit","status":"publish","type":"post","link":"https:\/\/alb.shekulliagency.com\/?p=4692","title":{"rendered":"(Video analiz\u00eb) Patriotizmi i rrejsh\u00ebm i Ali Ahmetit"},"content":{"rendered":"

\"ali-ahmeti\"<\/a>P\u00ebr gjuh\u00eb e p\u00ebr flamur ka folur vazhdimisht kryetari i Bashkimit Demokratik p\u00ebr Integrim, Ali Ahmeti. Me fjal\u00eb t\u00eb zjarrta patriotike e me premtime t\u00eb llojit: do ta b\u00ebjm\u00eb, duhet t\u00eb b\u00ebhet, ai ka ndezur zemrat e simpatizant\u00ebve, duke i kthyer shum\u00eb prej tyre n\u00eb votues t\u00eb rregull t\u00eb partis\u00eb, theksohet n\u00eb nj\u00eb video-analiz\u00eb t\u00eb Televizionit ERA, raporton SHENJA.<\/p>\n

Ali Ahmeti reagon ashp\u00ebr kur i thuhet se shqiptar\u00ebt mund t\u00eb ken\u00eb t\u00eb drejta t\u00eb kufizuara p\u00ebr ta p\u00ebrdorur flamurin, por kjo nuk i b\u00ebn qytetar\u00eb t\u00eb barabart\u00eb n\u00eb Maqedoni. Lideri i BDI-s\u00eb n\u00eb momente t\u00eb caktuara p\u00ebrdor retorik\u00eb t\u00eb ashp\u00ebr ndaj VMRO-DPMNE-s\u00eb dhe liderit t\u00eb saj. Shum\u00eb prej militant\u00ebve e trumbetojn\u00eb Ahmetin si lider legjendar t\u00eb luft\u00ebs i cili vazhdon p\u00ebrpjekjet q\u00eb idealet e d\u00ebshmor\u00ebve dhe ish-luft\u00ebtar\u00ebve t\u00eb U\u00c7K-s\u00eb t\u2019i realizoj\u00eb edhe n\u00eb vitet pas luft\u00ebs s\u00eb vitit 2001. Megjithat\u00eb, p\u00ebrplasja e armatosur n\u00eb Lagjen e Trimave n\u00eb Kumanov\u00eb vulosi t\u00eb v\u00ebrtet\u00ebn se Ali Ahmeti, ish-komandanti i p\u00ebrgjithsh\u00ebm i Ushtris\u00eb \u00c7lirimtare Komb\u00ebtare, ka l\u00ebn\u00eb n\u00eb gjendje t\u00eb pashpres\u00eb ish-bashk\u00ebveprimtar\u00ebt e tij t\u00eb idealit. Por, kjo situat\u00eb e ka l\u00ebn\u00eb n\u00eb pozicion t\u00eb palakmuesh\u00ebm vet Ali Ahmetin. Atij i \u00ebsht\u00eb k\u00ebrkuar t\u00eb shpjegoj\u00eb p\u00ebrse nuk i vizitoi banor\u00ebt e Lagjes s\u00eb Trimave. “Kam menduar se aty ishte nj\u00eb situat\u00eb paksa e tensionuar”, ka deklaruar Ahmeti.<\/p>\n

N\u00eb fakt, situatat e tensionura kan\u00eb shp\u00ebrthyer edhe brenda subjektit politik t\u00eb krijuar e t\u00eb mb\u00ebshtetur n\u00eb patriotiz\u00ebm e n\u00eb vlerat e luft\u00ebs \u00e7lirimtare. Nj\u00eb ushtrues detyre i kryetarit t\u00eb deg\u00ebs s\u00eb BDI-s\u00eb n\u00eb Likov\u00eb, i em\u00ebruar personalisht nga Ahmeti, po gjykohet si vras\u00ebs i Xhemail Rexhepit, por drejtuesit e BDI-s\u00eb vazhdojn\u00eb t\u00eb flasin p\u00ebr partin\u00eb e tyre t\u00eb madhe n\u00eb t\u00eb cil\u00ebn ka vend p\u00ebr shprehur lirisht mendimet, pa \u00e7ka se n\u00eb vend t\u00eb fjal\u00ebve gjithnj\u00eb e m\u00eb shum\u00eb po flasin plumbat.<\/p>\n

E nd\u00ebrkoh\u00eb, Ali Ahmeti vazhdon t\u00eb flas\u00eb p\u00ebr patriotiz\u00ebm, ama jo p\u00ebr patriotizmin e flak\u00ebve t\u00eb pushk\u00ebs. “Patriotiz\u00ebm sot \u00ebsht\u00eb q\u00eb vendi t\u00eb arrij\u00eb t\u00eb an\u00ebtar\u00ebsohet n\u00eb NATO e BE. Ju keni th\u00ebn\u00eb se jan\u00eb lodhur njer\u00ebzit me flamur edhe me k\u00ebrkesa e me p\u00ebrmendore, njer\u00ebzit kan\u00eb nevoj\u00eb p\u00ebr dy vakte buk\u00eb….Pse ne shqiptar\u00ebt i b\u00ebjm\u00eb m\u00eb t\u00eb lumtur”, deklaron Ahmeti.<\/p>\n

Njer\u00ebzit ndihen t\u00eb lumtur kur kan\u00eb mir\u00ebqenie ekonomike, por Ahmeti gjen arsyetime kur kritikohet se buxheti i ndar\u00eb i diskriminon shqiptar\u00ebt. “Un\u00eb nuk mund ta ndaj buxhetin, ku jan\u00eb maqedonas dhe ku jan\u00eb shqiptar\u00eb”, vler\u00ebson Ahmeti.<\/p>\n

N\u00eb momente kritike, i gjendur p\u00ebrball\u00eb kritikave p\u00ebr d\u00ebshtimin e realizimit t\u00eb plot\u00eb t\u00eb k\u00ebrkesave t\u00eb shqiptar\u00ebve p\u00ebr respektimin e identitetit komb\u00ebtar, Ali Ahmeti e pranon d\u00ebshtimin. “V\u00ebrtet\u00eb, k\u00ebtu ka ndodh\u00eb nj\u00eb katrahur\u00eb, nj\u00eb gjam\u00eb e madhe sepse shqiptar\u00ebt nuk p\u00ebrfillen, nuk llogariten si qytetar\u00eb t\u00eb k\u00ebtij vendi”, thekson Ahmeti.<\/p>\n

E p\u00ebr t\u00eb dal\u00eb nga situata kreu i BDI-s\u00eb e p\u00ebrdor nj\u00eb \u00ebnd\u00ebrr tjet\u00ebr, shtetin multietnik. Ai e pranon se \u00ebsht\u00eb luft\u00ebtar i madh i k\u00ebtij misioni. “Po, kjo m\u00eb mban mua q\u00eb t\u00eb rij ne politik\u00eb….Dhe un\u00eb do t\u00eb p\u00ebrgjigjem sinqerisht, kam nisur p\u00ebr Shqip\u00ebri, por e kam kuptuar se ajo Shqip\u00ebri e \u00ebnd\u00ebrruar nuk b\u00ebhet”.<\/p>\n

Por, Ahmeti kritikohet se edhe n\u00eb loj\u00ebn e shtetit multietnik shqiptar\u00ebt jan\u00eb thjesht p\u00ebr dekor. “Nuk m\u00eb vjen mir\u00eb q\u00eb shqiptari t\u00eb thot\u00eb p\u00ebr veten se \u00ebsht\u00eb fasad\u00eb”, thot\u00eb ai. V\u00ebrtet, Ahmeti nuk do t\u00eb duhej t\u00eb ndihej mir\u00eb p\u00ebr shqiptarin e fyer q\u00eb \u00ebsht\u00eb thjesht\u00eb nj\u00eb fasad\u00eb ku hidhen fyerje.<\/p>\n

Por, e keqja m\u00eb e madhe \u00ebsht\u00eb se fyerjet nuk vijn\u00eb vet\u00ebm nga partner\u00ebt qeveritar\u00eb t\u00eb BDI-s\u00eb. Por, Ali Ahmeti gjithnj\u00eb gjen fjal\u00eb p\u00ebr ta ngush\u00eblluar veten e p\u00ebr t\u2019u b\u00ebr\u00eb premtime qytetar\u00ebve. “Maqedonia \u00ebsht\u00eb mir\u00eb dhe do t\u00eb b\u00ebhet edhe m\u00eb mir\u00eb”.<\/p>\n