![\"5184562987istanbulfethleni\"](\"http:\/\/alb.shekulliagency.com\/wp-content\/uploads\/2015\/07\/5184562987istanbulfethleni.jpg\")
<\/a><\/p>\nTokat e Anadollit, t\u00eb cilat ishin n\u00ebn sundimin e Perandoris\u00eb Bizantine, ishin braktisur p\u00ebr shkak t\u00eb sulmeve shekullore arabe. Perandoria Bizantine, e cila nuk kishte marr\u00eb masa efektive ndaj dyndjeve arabe, nd\u00ebrmori nj\u00eb veprim t\u00eb fundit dhe vendosi q\u00eb duke filluar nga viti 1064 ti d\u00ebboj\u00eb jasht\u00eb Anadollit turqit q\u00eb ishin vendosur n\u00eb zona si Ani dhe Ahlat. Trupat bizantine t\u00eb komanduara nga Diogjeni, pavar\u00ebsisht ep\u00ebrsis\u00eb q\u00eb kishin n\u00eb num\u00ebr, n\u00eb vitin 1071p\u00ebsuan humbje ndaj ushtris\u00eb turke t\u00eb komanduar nga Sulltan Alparslani n\u00eb betej\u00ebn e Malazgirtit. Me fitoren e luft\u00ebs s\u00eb Malazgirtit nga turqit, filloi edhe procesi i banimit dhe kthimit t\u00eb Anadollit n\u00eb atdhe duke e quajtur at\u00eb Diyar-i Rum (Vendi i Rom\u00ebs).<\/p>\n
Me mij\u00ebra turkmen\u00eb t\u00eb ardhur nga Azia Qendrore u vendos\u00ebn n\u00eb t\u00eb kat\u00ebr an\u00ebt e Anadollit. Nj\u00ebri prej fiseve turke Oguz q\u00eb ishin vendosur n\u00eb Anadoll ishte edhe fisi Kayi. Selxhuk\u00ebt e Anadollit, t\u00eb cil\u00ebt si kryeqytet kishin Konya-n, fisit Kayi i dhan\u00eb zonat Sogut (S\u00f6\u011f\u00fct) dhe Domani\u00e7, krahina q\u00eb ndodheshin n\u00eb kufirin me Perandorin\u00eb Bizantine. Fisi Kayi num\u00ebronte 400 \u00e7adra dhe si udh\u00ebheq\u00ebs kishte Ertugrul Gaziun. Pasi u vendos n\u00eb k\u00ebt\u00eb zon\u00eb ky fis filloi fushatat ushtarake dhe dyndjet drejt zonave p\u00ebrreth duke i ngadh\u00ebnjyer ato.<\/p>\n
Si rezultat i sukseseve t\u00eb korrura n\u00eb k\u00ebto beteja, djali i vog\u00ebl i Ertugrul Gazi-ut, Osman Beu pas vdekjes s\u00eb babait kaloi n\u00eb krye t\u00eb fisit. Me largimin nga Konya t\u00eb sulltanit t\u00eb fundit selxhuk n\u00eb vitin 1299 p\u00ebr shkak t\u00eb dyndjeve mongole, principata osmane shpalli pavar\u00ebsin\u00eb ashtu si edhe principatat e tjera turke n\u00eb Anadoll. E themeluar n\u00eb kufirin e Perandoris\u00eb Bizantine dhe p\u00ebrballja me feudal\u00ebt bizantin\u00eb, n\u00eb dallim me fiset tjera q\u00eb luftonin me nj\u00ebri-tjetrin, b\u00ebri q\u00eb kjo principat\u00eb t\u00eb rritet m\u00eb shpejt\u00eb. Turkmen\u00ebt e ardhur nga Azia Qendrore filluan t\u00eb bashkohen me principat\u00ebn osmane me q\u00ebllim p\u00ebr t\u2019u b\u00ebr\u00eb ngadh\u00ebnjimtar\u00eb dhe p\u00ebr t\u00eb p\u00ebrfituar nga territoret e gjera. Kjo principat\u00eb, e cila u forcua nga aspekti numrit t\u00eb banor\u00ebve, s\u00eb fundmi rrethoi qytetin e Burs\u00ebs, q\u00eb n\u00eb at\u00eb koh\u00eb ishte vendbanimi m\u00eb i madh i rajonit. Gjat\u00eb marrjes s\u00eb qytetit Osman Gaziu humbi jet\u00ebn. Principata vazhdoi t\u00eb rritet edhe gjat\u00eb koh\u00ebs s\u00eb Orhan Gaziu, q\u00eb ishte djali i tij e q\u00eb kaloi n\u00eb vend t\u00eb babait. Osmanlinjt\u00eb, t\u00eb cil\u00ebt pas nj\u00eb kohe t\u00eb shkurt\u00ebr kaluan n\u00eb Evrop\u00eb n\u00ebp\u00ebrmjet \u00c7anakalas\u00eb, filluan t\u00eb b\u00ebhen pjes\u00eb edhe e historis\u00eb evropiane. Me marrjen e qytetit Edrene, u transferua k\u00ebtu edhe kryeqyteti i osman\u00ebve. N\u00eb k\u00ebt\u00eb m\u00ebnyr\u00eb osmanlinjt\u00eb i b\u00ebn\u00eb t\u00eb ditur bot\u00ebs se k\u00ebtu ata do t\u00eb q\u00ebndronin p\u00ebr nj\u00eb koh\u00eb t\u00eb gjat\u00eb.<\/p>\n<\/a><\/p>\n