{"id":9346,"date":"2016-03-29T11:15:54","date_gmt":"2016-03-29T10:15:54","guid":{"rendered":"http:\/\/shekulliagency.com\/?p=9346"},"modified":"2016-03-29T17:16:15","modified_gmt":"2016-03-29T16:16:15","slug":"zyrtarizimi-i-gjuhes-shqipe-deklaratat-e-ali-ahmetit-nder-vite","status":"publish","type":"post","link":"https:\/\/alb.shekulliagency.com\/?p=9346","title":{"rendered":"Zyrtarizimi i gjuh\u00ebs shqipe, deklaratat e Ali Ahmetit nd\u00ebr vite"},"content":{"rendered":"

\"ali-ahmeti\"<\/a>Prokurorja Fatime Fetai, \u00a0gjat\u00eb publikimit t\u00eb vepr\u00ebs s\u00eb re q\u00eb do ta hetoj\u00eb prokuroria speciale, sqarimet i b\u00ebri n\u00eb gjuh\u00ebn maqedonase duke th\u00ebn\u00eb se ligji nuk e njeh gjuh\u00ebn shqipe si gjuh\u00eb zyrtare n\u00eb Procedur\u00eb Penale. Kjo deklarat\u00eb ishte krejt\u00ebsisht n\u00eb kund\u00ebrshtim me deklarimet e shumta t\u00eb drejtuesve t\u00eb partis\u00eb shqiptare n\u00eb pushtet, Bashkimit Demokratik p\u00ebr Integrim, se gjuha shqipe \u00ebsht\u00eb t\u00ebr\u00ebsisht zyrtare n\u00eb gjith\u00eb vendin. Por edhe k\u00ebta t\u00eb fundit n\u00eb shum\u00eb raste kan\u00eb qen\u00eb konfuz p\u00ebr k\u00ebt\u00eb tem\u00eb duke dh\u00ebn\u00eb vler\u00ebsime diametralisht t\u00eb kund\u00ebrta. Vet\u00eb kryetari i BDI-s\u00eb, Ali Ahmeti, gjat\u00eb zgjedhjeve t\u00eb vitit 2011 brenda 24 or\u00ebve jepte dy deklarata diametralisht t\u00eb kund\u00ebrta. N\u00eb tubimin parazgjedhor\u00eb n\u00eb Kumanov\u00eb pati premtuar se do t\u00eb zyrtarizoj t\u00ebr\u00ebsisht gjuh\u00ebn shqipe n\u00eb Maqedoni, nd\u00ebrsa t\u00eb nes\u00ebrmen gjat\u00eb tubimit n\u00eb Negotin\u00eb t\u00eb Gostivarit tha se gjuha shqipe \u00ebsht\u00eb t\u00ebr\u00ebsisht zyrtare.
\n\u201c\u00c7\u00ebshtja e gjuh\u00ebs shqipe, ju q\u00eb t\u00eb gjith\u00eb e dini, ne kemi votuar nj\u00eb ligj n\u00eb Parlamentin e Maqedonis\u00eb, ligj i cili nuk i k\u00ebnaq nevojat e shqiptar\u00ebve\u201d, pati deklaruar Ali Ahmeti m\u00eb 17 maj 2011 n\u00eb Kumanov\u00eb.<\/p>\n

\u201cT\u00eb mos flasim p\u00ebr gjuh\u00ebn shqipe t\u00ebr\u00ebsisht zyrtare\u201d, pati deklaruar m\u00eb 18 maj 2011 n\u00eb Negotin\u00eb, kreu i BDI-s\u00eb, Ahmeti.
\nPor edhe pas marrjes s\u00eb mandatit t\u00eb BDI-s\u00eb nuk zgjodhi dilemat p\u00ebr zyrtarizimin e gjuh\u00ebs. K\u00ebsaj radhe vet\u00eb Ahmeti ishte kontradiktor\u00eb brenda dit\u00ebs s\u00eb nj\u00ebjt\u00eb dhe n\u00eb deklarat\u00ebn e nj\u00ebjt\u00eb. Fillimisht tha se gjuha shqipe \u00ebsht\u00eb zyrtare dhe disa sekonda m\u00eb pas pranoi se zyrtarizimi i plot\u00eb i shqipes mbetet p\u00ebr mandatin e ardhsh\u00ebm, me arsyetimin se proceset duan koh\u00eb.
\n\u201cGjuha shqipe \u00ebsht\u00eb n\u00eb proces t\u00eb mbar\u00eb dhe gjuha shqipe sipas Kushtetut\u00ebs dhe Marr\u00ebveshjes s\u00eb Ohrit \u00ebsht\u00eb gjuh\u00eb zyrtare dhe n\u00eb Maqedoni dhe n\u00eb asnj\u00eb vend nuk ka gjuh\u00eb t\u00eb par\u00eb dhe gjuh\u00eb t\u00eb dyt\u00eb por ka vet\u00ebm gjuh\u00eb zyrtare dhe gjuha shqipe \u00ebsht\u00eb zyrtare por \u00ebsht\u00eb n\u00eb proces dhe n\u00eb mandatin e ardhsh\u00ebm sigurisht q\u00eb kjo \u00e7\u00ebshtje p\u00ebrfundimisht do t\u00eb mbyllet. Proceset duhen koh\u00eb, proceset duhen angazhim dhe durim\u201d, pati deklaruar Ali Ahmeti m\u00eb dat\u00eb 10 korrik 2012.<\/p>\n

N\u00eb shum\u00eb raste drejtuesit e BDI-s\u00eb pat\u00ebn deklaruar se shqipja \u00ebsht\u00eb t\u00ebr\u00ebsisht zyrtare, por akuzuan funksionar\u00ebt maqedonas p\u00ebr obstrukcione n\u00eb p\u00ebrdorimin e dygjuh\u00ebsis\u00eb. Por opinioni u trondit nga nj\u00eb skandal i dy ministrave t\u00eb BDI-s\u00eb, Fatmir Besimit dhe Tahir Hanit, t\u00eb cil\u00ebt n\u00eb nj\u00eb takim zyrtar\u00eb nj\u00ebri tjetrit i flisnin n\u00eb gjuh\u00ebn maqedonase.
\nDrejtuesit e BDI-s\u00eb dol\u00ebn edhe me arsyetime se shqipja tanim\u00eb \u00ebsht\u00eb t\u00ebr\u00ebsisht zyrtare n\u00eb Parlamentin e Maqedonis\u00eb, nd\u00ebrsa has n\u00eb probleme n\u00eb institucione t\u00eb tjera. Por, n\u00eb dy mandatet e fundit, q\u00eb nga viti 2011, dy n\u00ebnkryetar\u00ebt e Kuvendit, Suzana Saliu dhe ai aktual, Rafis Aliti, nuk kan\u00eb arritur t\u00eb udh\u00ebheqin asnj seanc\u00eb plenare n\u00eb gjuh\u00ebn shqipe. Saliu ankohej se kryetari i Parlamentit Trajko Veljanovski nuk i lejon ta p\u00ebrdor\u00eb shqipen, nd\u00ebrsa Aliti thot\u00eb se seancat do ti udh\u00ebheq n\u00eb gjuh\u00ebn shqipe. Por q\u00eb nga marrja e postit ai asnj\u00ebher\u00eb nuk u ul n\u00eb ul\u00ebsen e par\u00eb t\u00eb Kuvendit.<\/p>\n

Arben Zeqiri \/SHENJA\/<\/p>\n